ខេត្តតាកែវ

ខេត្ត​តាកែវមាន​ព្រំប្រទល់​ជាប់​នឹង​ខេត្ត​កណ្ដាលពី​ខាង​ជើង​និង​ខាង​កើត, ខាង​ត្បូង​ជាប់​ប្រទេស​វៀតណាមដោយ​មាន​ច្រក​ឆ្លង​កាត់​ព្រំដែន​អន្តរជាតិ​មួយសម្រាប់​អ្នកទេសចរ​បរទេសខាង​លិចជាប់​ខេត្ត​កំពតនិង​ខេត្ត​កំពង់ស្ពឺ។ ខេត្ត​នេះ​មាន​ស្លាកស្នាម​ប្រវត្តិសាស្ត្រ​សំខាន់ៗ​ជា​ច្រើន​រួម​ទាំង​ប្រាសាទ​បុរាណ​ដ៏ចំណាស់​ជាង​គេ​ផង​ដែរទេសភាព​ធម្មជាតិ​ល្អ​ត្រកាលនិង​ក៏​ជា​ទីកន្លែង​សម្រាប់​អាហារ​ភិកនិក​របស់​អ្នក​ក្រុង​ភ្នំពេញ​ផង​ដែរដោយ​គេ​អាច​ធ្វើ​ដំណើរ​ទៅ​កម្សាន្ត​តាម​រមណីយដ្ឋាន​ទាំង​នោះ​វិល​ល្ងាច​យ៉ាង​ងាយ​ស្រួល។ គ្រប​ដណ្ដប់​លើ​ផ្ទៃ​ដី​ទំហំ៣,៥៦៣គ.ម២ប្រហែល៥១%(១៨២,០០០​ហិកតា)អំណោយ​ផល​ដល់​ដំណាំ​ស្រូវ​នៅ​រដូវ​វស្សានិង​២០%សម្រាប់​ស្រូវ​ប្រាំង។ខេត្ត​តាកែវមាន១០ស្រុកចែក​ចេញ​ជា១០០​ឃុំ និង១,១១៦ភូមិ។ប្រជាជន​សរុប​៨១៥,៣៧៥នាក់ហើយ៨៥%ជា​កសិករនិង​ប្រហែល១០%ជា​អ្នក​នេសាទ។